الثلاثاء، 29 سبتمبر 2020

إزاي تعمل خطة سيو PBN صح

إزاي تعمل خطة سيو PBN صح
الثلاثاء، 29 سبتمبر 2020

إزاي تعمل خطة سيو PBN صح

إزاي استخدم الـ PBN لموقعك بشكل سليم وصح .





انا مش ههري واقولكم الـ PBN ده إختصار لحبشتكنات اية بالإنجليزي معلش خلونا في المهم .
بص ياسيدي الـ PBN ده هي المواقع بتاعتك اللي بتعملها فقط عشان تجيب منها باك لينك لموقع رئيسي عايز تطلع بيه .
طيب عشان نبقى ع نور الـ PBN لازم جوجل تتأكد إنها مش كلها في مكان واحد بمعنى أية . هتحجز دومين وتربطه ببلوجر . ثم هتحجز 2 دومين كمان . وتربطهم بهوست وتبقى جايب لكل موقع هوست لوحده . يعني لو اشتريت لواحد من نيم شيب . التاني يبقى مثلا من بلو هوست . هتركب في واحد ووردبريس. وهتركب في واحد جوملا مثلا أو اي برمجة تانية او حتى ووردبريس. طيب شغلك هيبقى فيهم إزاي . اولا هتعملهم اون بيدج كويس أوي كأنهم مواقع عايز تمسك بيها كلمات لأنك بالفعل هتمسك بيها كلمات . ثانياً : هتنزل في كل موقع مقال يومياً بمحتوى مختلف ويكون معاد صياغته مش متاخد كوبي . ثالثاً : لو انت مثلا مجالك تحميل برامج وتطبيقات . هتفضل كل يوم تنزل مقال لـ لعبة او برنامج كأنك عايز تمسك بيه كلمات عادي . هتفضل على الوضع ده لمدة شهر وفي المقال رقم 31 من كل موقع هتاخد باك لينك خاص لموقعك . وبعد كده بتسستم نفسك إن كل 5 مقالات هتاخد باك لينك وهتستمر لكده لمدة شهر وبعد كده توقف بااك لينك . وترجع تشتغل على المواقع تاني بدون باك لينك لمدة شهر . ثم بعد كده نعيد الدايرة كلها من الأول بس ركز أي صفحة خدت ليها باك لينك مرة متاخدش ليها باك لينك تاني نهائي وحاول إنك متاخدش باك لينك من الـ PBN بشكل أوفر او مبالغ فيه أو يبقى هو ده بس مصدر للباك لينك . وبعد كده ابدء زود الـ PBN عندك لحد ماتوصل لـ 10 مواقع كل موقع برمجة مختلفة او اي بي مختلف . وإبدء طلع منهم جيست بوست لمواقع تانية ولكن بمعدل جيست بوست واحد كل شهر عشان جوجل ميفهمش إنك عامل الـ PBN دول لمواقعك فقط وبكده هتكسب فلوس وهتفيد موقعك وفي نفس الوقت هتمسك كلمات بالـ PBN وتقدر تجيب منها فلوس من ادسنس كذلك وهتبقى ساعدت موقعك الرئيسي يمسك كلمات معينة هو عايزها وجوجل يثق فيه اكتر ومع إستمرارية الـ PBN جوجل هتثق في مواقع الـ PBN وبالتالي هتثق في موقعك . طيب نركز في اللي جاي بقى مع الـ PBN لازم تشترري جيست بوست كمان ولازم تنوع في الباك لينك بتاعك منتديات على أدلة على مدونات تانية على جيست بوست ميبقاش كله من الـ 10 مواقع دول بس . ولكن ركز كويس اوي أي باك لينك هتاخده لازم يكون بيقدم محتوى محترم ونضيف وقوي . العملية سهلة وبسيطة ياشباب كل ماهتتعب على موقعك وهتجتهد كل ماهتكسب .
الشرح دا إعداد مستر أحمد حبيب
إغلاق التعليقات