حسن عصام: سيو

حسن عصام

شرح سيو مجاناً - استشارات مجانية - فحص مجاني لمواقع والمدونات

شرح seo بالتفصيل - تعليم SEO للمبتدئين - شرح سيو - باك لينك

مسك كلمات - ادارة سيو المواقع

شرح seo بالتفصيل دروس سيو مجربة في الأون بيدج والأوف بيدج وكافة الطرق الشرعية للحصول علي الباك لينك وكتابة محتوى مفيد للزائر حيث هدفنا يكمن في خدمة الزائر قبل جوجل .
مقالات عن السيو ننشر هنا نصائح وتقارير مهمة تخص السيو وطرق التعامل مع محركات البحث واصلاح المواقع سوف تجد كل شئ مهم لاي موقع يهتم بتحسين محركات البحث السيو
خدمات سيو نقدم خدمة السيو SEO اذا كان موقعك بلوجر او ووردبريس او اي منصة تستخدم لا يهم نحن نقدم خدمة تهيئة المواقع لمحركات البحث لزيادة فرص ظهور موقعك في الصفحات الاولي

الثلاثاء، 6 أكتوبر 2020

هنا تجد أفضل خبير سيو

هنا تجد أفضل خبير سيو


هل كنت تبحث عن خبير سيو يساعدك في ترقية موقع في نتائج البحث ورفع ترتيب موقع في Google؟

إذا انت تعاني من مشاكل سيو في موقع لديك سواء كانت في عدم ظهور الموقع في Google بشكل سليم او عدم ظهورك في المراتب الأولي في جوجل ولذلك انت هنا تبحث عن خبير سيو محترف.

وايضاً ان كنت تريد تعلم كيف تصبح متخصص سيو او على الأقل كيف يمكنك ادارة سيو موقعك بدلاً من توظيف خبير فأكمل المقال سوف تجد البعض من شرح SEO محترف او خبير كامل مجاناً

دعونا نتطرق الى بعض الهامة لك لتعرفها عن SEO حتي تعرف كيف تطلب افضل خبير سيو او محترف سيو


ما هو سيو SEO ?

السيو هو إختصار لأول حروف من جملة "Search engine optimization" والترجمة الحرفية لها بالعربية
هي تحسين محركات البحث وهو أحد التخصصات المشتقة من الDigital Marketing او بالعربية التسويق الإلكتروني

دعني استعرض مثالاً سوف يوضح لك الكثير في شرح معنى سيو

لو فرضنا أنك تعاني من ألم في أسنانك ولكنك لا تعرف عنوان اقرب دكتور أسنان لك فقررت ان تستخدم محرك بحث Google لمعرفة أقرب دكتور لك وتأخد رقمه او تحجز معاد عبر الأنترنت 

أثناء بحثك في Google هنا أنت تستخدم كلمة مفتاحية وعند البحث بها سوف تظهر لك أفضل النتائج الذي تناسب الكلمة المفتاحية الذي طلبتها 

هنا انت تسأل لماذا ظهر لي هذا الوقع اولاً وهذا بعده !! 

هنا أجيب عليك واقولك عليك انها عوامل سيو وتطبيقها طبقاً لسياسات وارشادات الجودة الخاصة بشركة Google.

ببساطة أخي في كلا الاحوال انت بحاجة الى خدمات سيو ولكن قبل ان تختار خبير السيو يجب ان تعرف كيف تختار خبير في تحسين محركات البحث SEO السيو

لأنه إختيارك سوف يتراتب عليه الكثير حتي لا تخسر مالك ولا وقتك لذلك العناية في الإختيار ستكون بناء على اكثر من شئاذا دعني اولا اوضح لك من هو خبير سيو ومن ثم المعايير الذي تختار بناء عليها

ما هو معنى خبير سيو

خبير سيو هو شخص محترف يقوم بإدارة موقعك لتحقيق هدف الموقع المطلوب سواء كان هدفك الوصول للنتيجة الاولي في قوقل مثلاً او بينج او غيره او كان هدفك زيادة الزوار في موقعك.
فهناك شخص تتعدد المسميات له يدعي مثلا خبير سيو او محترف سيو متخصص سيو اي كان المسمي دعني اوضح لك امراً قد لا يعجبك

هل تظن ان خبير سيو هو من بالنتيجة الاولي فقط ؟

دعني اغير الفكرة في عقلك اذا سمحت لأن خبير سيو ليس شرطاً ان يكون متواجد في النتيجة الاولي لأن خبير سيو ليس متحكم في النتائج!

هل سمعت من قبل عن شخص اسمه دماغ جوجل Google Brain 😅

هذا صديقي هو الشئ المتحكم في ترتيب نتائج جوجل وهو ببساطة نظام ذكاء اصطناعي قام ببرمجته جوجل لمساعدة المستخدم وتسهيل حصوله على نتائج مرضية له تحقق هدفه من البحث 

هل تتذكر عندما بحثنا على دكتور أسنان وظهر لنا بعض النتائج في الصفحة الاولي الذي قام بترتيب هذه النتائج في جوجل هو عقل جوجل الجديد الذي طبق فعليأً من إنطلاق عام 2020.

إذا الأن عرفنا ان خبير السيو ليس متحكم في النتائج من الاول ومن الثاني وهكذا

اذا ما هو دور خبير سيو؟

ببساطة هو شخص يمتلك خبرة في ادارة وحل المشاكل سيو و تحسين الموقع في جعله يفوز بالنتيجة الاولي في جوجل ولكن ذلك يتم بتطبيق شروط ومعايير الذكاء الاصطناعي الخاص بمحرك بحث جوجل.

معايير اختيارك خبير سيو للحصول تحسين سيو محترف و متخصص

  • تقيمات العملاء السابقة و المواقع الذي ادارة السيو seo.

  • قراءة السيرة الذاتية الخاصة به جيداً للتاكد من كونه خبير SEO.

  • إجراء إجتماع معه عبر ZOOM لمناقشة كافة التفاصيل و مشاكل سيو.اطلب منه تقرير بحالة السيو seo لموقعك الان.
  • إسأل عن مدة صعود موقعك وحل مشاكل السيو seo.

  • لا تثق ابدا بشخص يقول لك انا اضمن لك النتيجة الاول صدقاً هو شخص منافق وغير محترف سيو وسوف تخسر اموالك مع هذا الشخص لانه ليس خبير.

  • محترف السيو دائما يتكلم عن تحقيق الهدف الخاص بك لا تحقيق رقم في النتائج فقط لذلك أشرح له الاهداف الذي تحتاج الي الوصول لها.

  • اذا كنت تحتاج الى الصعود بكلمات مفتاحية معينة لا تجعله يغير رأيك في كلمات أخري الى بعد التأكد من جودتها لان بعض من يقول انه خبير يريد تسهيل.

  • لأن يوجد متخصصين يلجئون الى اقتراح كلمات مفتاحية ضعيفة من أجل الصعود بها وتحقيق نتائج فقط لكن انت لن تكسب بها شئ لانه ببساطة ليس خبير محترف ولا يفهم طبيعة محركات البحث.

  • اذا كنت تريد تحقيق ارباح أدسنس كثيرة إساله عن الكلمات الأكثر بحثاً وفرص صعودك بها هل ممكنة أم صعبة لو كان خبير السيو سوف ينصحك.

  • يجب ان تكون مطلع على كل شئ يحدث لموقعك على الأقل تقرير سيو كل 15 يوم او اسبوع لكن لا تقبل ابداً عدم معرفة ما يحدث في موقعك خبير السيو يجب ان يطلعك بكل شئ يخص SEO يحدث.

  • لا تطلب متخصص سيو يعمل على موقعك بشكل مخالف لسياسات جوجل لأنه قد يحقق النتيجة لكن سوف تصاب فيما بعد بحظر من جوجل و محركات البحث

  • لا تثق بشخص يقول لك انا سوف احقق نتيجة في وقت بسيط هو لا يفهم سيو وليس متخصص seo.

  • لا تشتري ابداً خدمة من شخص حدد خطة اسعار سيو واحدة لانه ببساطة لن يهتم بموقعك قدر ان ينفذ الخدمة المطلوبة مقابل المبلغ فقط سواء اجرت عليك نتيجة ام لا هو لا هم له لانه ليس متخصص في السيو.
صدقاً اعلم ان كلامي لن يغير الكثير لكن من الضروري تسليط الضوء حتي اريح ضميري امام الله عز وجل
فهناك الكثير من المحتالين في هذا المجال والأغلب من مصر للأسف
ولذلك ارجوك فضلاً حتي وان كنت لا تريد التعامل معي
فقط أرجع لي واسالني عن الشخص الذي تريد التعامل معه وسوف اوضح لك بكل صراحة ويشهد علي ربي في ذلك
ان كان شخص خبير سيو ومحترف ام مجرد شخص نصاب ويحتال على العملاء وكل شئ بالاثبات والصور من ضحايا النصب الذي قام بالنصب عليهم في السيو.

 

قد تسأل الان هل السيو مهم لهذه الدرجة؟

ببساطة أخي العزيز الـ سيو SEO هو أهم ما يحتاجه اي موقع او مدونة اي شخص او شركة تمتلك موقعاً او مدونة تريد ان تظهر للزوار بشكل لائق

وكلما ذاد عدد الزوار زادت ارباح او زادت المبيعات ونسبة الظهور وان كان هدفك شهرة علامتك التجارية 

فكونك تصبح في النتيجة الأولي في جوجل في كلمة مفتاحية تعبر عن مجالك وتجلب لك العملاء هي خطوة هامة لكسب ثقة العملاء.

إذا الأن اوضحنا كل شئ تحتاجه لإختيار افضل خبير سيو أو توظيف خبير محترف سيو وكيفية اختيار أفضل خدمات سيو,


دعني أوضح لك اشياء مهمة يتقنها كل خبير

  • أهم المعايير لجعل موقعك رقم 1# في جوجل

  • المحتوي الحصري المفيد للذائر والذي يجيب على أسئلته وتلبي احتياجاته ورغبته

  • الأثوريتي بساطة هو سمعة الدومين الخاص بموقعك وقوته وهي تزداد بشكل كبير بعدة عوامل أهمها الباك لينك وانا شرحت في فيديو بسيط كيف تعثر على اماكن عمل باك لينك جيدة

  • التفوق على المنافسين وهنا يمكنك مشاهدة شرح عملي لي اشرح به كيف يمكنك التجسس على المنافسين ومعرفة نقاط ضعف وقوة موقعهم

والأن دعونا نتحدث عن 

كيف تصبح متخصص سيو او خبير سيو

ببساطة أخي كما اوضحنا سابقاً في الأعلي خبير السيو هو شخص لديه خبرة في ممارسة عمليات تحسين محركات البحث وهو إكتسبها لكن خلال تجارب عملية صعبة ومكلفة.

لكن أنت ايضاً يمكنك ان تصبح خبير سيو الأمر فقط سوف يحتاج منك وقت وتجارب ومجهود كبير لكي تحقق لقب خبير سيو محترف

يمكنك البدء من خلال دورات مهارات جوجل المجانية فهي تعتبر انطلاقة فقط سوف تأخد منها بعض المعلومات الهامة تفيدك في رحلة الوصول الى ان تصبح خبير سيو

وبعدها يمكن البدء في كورس SEO من منصة إدراك وهو أيضاً انطلاقة لا بأس به خبير سيو مبتدئ

ولكن إذا كنت تريد نصيحتي والمضي قدما على خطواتي الذي مشيت بها في عام 2014 لتعلم سيو

سوف أنصحك بأن تتبع الدورات الأنجليزية فهي بها الكنز الحقيقي جميع العرب تعلموا منها ولا تسال ابدا خبير سيو وتقول له علمني كيف أصبح خبير سيو

لأن ببساطة أخي العزيز اغلب العرب الذي ييطلقون على انفسهم لقب خبير سيو يقدمون ربع المعلومة الحقيقة وكما يقولون عندنا في مصر هناك إقتباس رائج (يرسم لها البحر طحينة)

أي انهم فقط سوف يلعبون بالكلام الملئ بالاشراق الوهمي والخيالي مثلا يقولون لك انت سوف تصبح خبير سيو محترف في اسرع وقت 

وسوف تكون الأفضل على مستوي كذا بل سوف تكون الأفضل مني!! سوف تصبح محترف سيو 

كل هذه تراهات واكاذيب يخدعون بها المبتدئين بحجة سوف تصبح خبير سيو 

لذلك نصيحة مني لا تبحث ابداً عن خبير سيو وتطلب منه ان يعلمك لانه ببساطة سوف ينظر إليك منافس محتمل ولذلك سوف يحافظ على ان تتعلم من خلاله حتي تصبح دائما تعمل تحت منه حتي لا تتفوق عليه.

لذلك إكسر قيدوك ولو كانت من فولاز وتعلم واجمع المعلومات الذي تقدر عليه من خلال وسائل التعلم المفتوحة مجاناً عبر الانترنت مثل يوتيوب وصدقني سوف تتقن اهم ما يلزم خبير السيو 


هل تعلم السيو له نهاية ؟ SEO

لا صديقي العزيز كنت اتمني ان اخبرك انه ينتهي عند مرحلة معينة لكن لا يتوقف خبير سيو عن التعلم حتي ولو مر عليه سنوات

في العمل يظل يتعلم فكل يوم هناك تحديث جديد يغير من مفاهيم سيو وليس فقط كونك محترف سيو

خبير سيو يظل يتابع كل يوم نتائج البحث ويتابع حساب جوجل عبر منصة تويتر لمتابعة اي تحديثات جديدة تحدث وهي ما تؤثر على نتايج البحث وليس فقط خبير سيو

لذلك مهما كان السبب وراء رغبتك في أن تصبح خبير سيو يجيب ان تعلم ان السيو لا ينتهي عن مرحلة معينة وان التعلم المستمر هو امر لا مفر منه لاي خبير لذلك يجب ان تكون على علم بذلك.

وهنا يجب ان تعلم ان محترف سيو يجب ان يكون على علم باقسام السيو الأثنان (السيو الداخلي والخارجي) SEO

سوف اعطيك مثالاً يوضح الامر 
لو ذهبت يوماً الى بعض متاجر الحلويات الشرقية لشراء بعض الحلاوي هنا أمامك حلوي صنعت من مكونات تخيل معي ان المكونات هذه هي السيو الداخلي والمتجر هو جوجل
ولكن ليس كل ما يمتلك المكونات يقدر على صنع حلوي جيدة ولكن الان صنعت الحلوي واصبحت تعرض في جوجل الذي هو المتجر كما اتفقنا 
هنا انت اتيت الي هنا لأني مشهور او مميز بالحلوي الطيبة وهذا هو السيو الخارجي اي ببساطة هو التسويق والتعزيز من الحلوي في طريقة العرض والاعلان 
وهذا دور كل خبير سيوهل فهمت ما قصدته ؟
اذا دعنا ننتقل لشرح SEO السيو جزء جزء

أولاً السيو الداخلي SEO


وهو ببساطة أحد اهم عوامل SEO ويجب على أي خبير سيو إتقانه لأنه المتحكم في جودة موقعك وكلما كان أفضل زادت فرص ظهوره في جوجل 

وهو المسئول عن الاسم والوصف والمحتوي والصور والاكواد والتصميم وكل شئ داخل الموقع

ثانياً السيو الخارجي SEO

وهو كما اوضحنا سابقاً هو المسئول عن مكانك واين تكون وكيف تكون ببساطة هو من يقوم بربط موقعك وجعله متصلاً بجوجل وجميع محركات البحث 

اي انه حلقة الوصل بينك وبين المستخدم الذي يبحث في جوجل وهو الذي يتحكم في طريقة ظهورك واين سوف يصبح ترتيبك في نتائج البحث.

هنا فهمت كل شئ عن اقسام السيو وما يجب معرفته لتكون خبير سيو

دعني اوضح لك اهم النصائح الذي سوف تساعدك على تعلم السيو وتصبح بإذن الله تعالي خبير سيو محترف SEO

تحل بالصبر عزيزي لا يوجد شئ سهل ولا في وقت سريع كل شئ يحتاج وقت ومجهود لن تصل للخبرة في يوم وليلة ولقب خبير سيو ليس سهلاً لذلك كن صبوراً.

لا تعمل وحدك ابداً مهما كنت تظن انك قوي فأعلم ان القوة لله عز وجل ولكن حين تقرر العمل في مجال مثل تحسين محركات البحث يجب ان تعلم ان العمل الجماعي 
وروح الفريق هي الذي سيجعلك مميزاً لذلك نصيحتي لا تعمل وحدك لا يوجد خبير سيو او محترف سيو يعمل منفرداً.

لا تعمل ابداً على استغلال عدم فهم العميل لنقطة معينة وكن حريص علي شرح كل شئ بوضوح وبساطة له وذلك سوف يرفع من شأنك وقيمتك عنده وهذا يجعلك خبير سيو وإنسان تعرف الحلال والحرام.

لا تتستلم عمل الا وكنت قادر على العمل به لان العميل لا ذنب له ان تاخد منه اموال ليكون محط تجارب لك لذلك كن صريحاً مع نفسك اولاً ولا تقول انك قادر من أجل المال المال لن يبقي مثل ما يبقي سمعتك الطيبة.

لا تطلب زيادة في المال الا اذا حققت نتائج البحث ملموسة وان رفض العميل لا تزعل انه حقه.

اجعل العميل صديقاً لك وليس مجرد عميل يدفع لك وتقدم له خدمات سيو فقط ولكن اجعله يحب العمل معك وكنت دائما على اتصال به في كل نقطة في موقعه وكل خطوة تقوم بها.

لا تظن انك خبير seo ولا احد افضل منك دائما كن على يقين ان هناك الافضل لذلك كن مستعداً لاي منافس جديد لك.

لا تعتبر المنافسين اعداء لك وحاول ان تكسبهم اصدقاء ان رأيت منهم عداء اجعلهم اعداءً لك.

لا تفعل كل شئ مقابل المال اجعل من عملك اشياء تقوم بها مجاناً لوجه الله تعالي التطوع في العمل مهم قد لا تكسب وقت لكن سوف تكسب ثواب من الله عز وجل 
انك ساعدت غيرك قدم سيو محترف مجاناً للمحتاج ولا تكن خبير ذو طابع مادي السيو معلومة لا تجعلها حكر.
كانت هذه مقالة دسمة لتعريفك بكل شئ عن خبير seo ولذلك يجب ان تعرف قبل ان تنوي ان تصبح متخصص سيو ان لكل مهنة اخلاق يجب ان تلتزم بها 
لقب متخصص سيو او خبير سيو محترف ليس مجرد مسمي لتقدم من خلاله خدمات سيو وتربح المال هو دور يمكنك مساعدة الناس به 
لذلك ان قررت ان تقول عليك الناس افضل خبير seo يجب ان تكون خيراً لهم وليس مستغل لهم.
كنت سعيد جداً بكتابة هذا المقال إن أردت ترك اي ملاحظة عبر التعليقات او اردت الاتصال بي يمكنك ذلك عبر فيسبوك او واتساب او تليجرام او تويتر.

الثلاثاء، 29 سبتمبر 2020

طريقة تعلم SEO بدون روت

طريقة تعلم SEO بدون روت



ركز بقا معايا في الكلمتين دول لو متابع البوستات اللي فاتت يبقي انت أكيد شوفت انتقادي لمدعيين التخصص والخبرة
وهنا في البوست دا هقولك على شوية مصادر تتعلم منها سيو SEO بشكل صح وسليم نبدء بسم الله رقم واحد موقع Search engine journal هتلاقي شرح لأغلب أساليب ومصطلحات وهو مميز جداً لأي مبتدئ حابب ياخد فكرة عن المفاهيم وكمان هتلاقي شرح لشوية حاجات هتحتاجها في السكة رقم اتنين موقع الحج Neil Patel بلا شك هو أفضل influencer في مجالات الويب بشكل عام وبشكل خاص في SEO دول كدا موقع إنجليزي و هتحتاج تبقي فاهم انجليزي او هتستخدم ترجمة جوجل طيب فكك من دول لو مش عارف إنجليزي وركز هنا بقا مع العربي - موقع Search Console Support بتاع جوجل وده هتلاقي الكلام فيه زي الانشا مش هتفهم جامد منه بس هتاخد منه شوية معلومات مش وحشين - موقع المسوق ودا موقع مغربي بس ممتاز جداً وشرحه حاجة محترمة جداً - معهد سيو بالعربي دا موقع ممتاز واقدر موقع عربي في مجال ال SEO هتلاقي فيه شوية معلومات عنب - موقع احتراف سيو دا من أفضل المواقع اللي هتلاقيها بتقدم شروحات بشكل سليم معرفش صراحة صاحبه لكن هو موقع ممتاز وفي النهاية احب انوه ان بيتم تجهيز كتاب دليل المبتدئين في الSEO بيتم إعداده تحت إشراف اكثر من متخصص وان شاء الله هيكون متاح خلال أسابيع مجاناً 

في كتابة البوست ده مخدتش اي تحيز لأي شخص ولا اعتمدت على الترشيحات لاصدقاء او معارف اعتمد على المواقع اللي تحقق الاستفاد الأكبر لأكبر عدد من الناس شكراً ليكم .

 

الروابط الـ NOFOLLOW والروابط الـ DOFOLLOW

الروابط الـ NOFOLLOW والروابط الـ DOFOLLOW


عشان في ناس كتير طلبت تعرف الفرق مابينهم بإختصار شديد بدون أي هري

الروابط النوفولو ده رابط معترف بيه كـ باك لينك ولكن له قوة فقط للصفحة اللي معمولها مش للموقع كله وده ليه عشان بمجرد مابتحط Rel="nofollow" ده معناه إنك بتقول لجوجل اللينك ده متخشش تأرشف محتواه عن طريق موقعي يعني لو انت بتعمل باك لينك في موقع (س) ونزل الرابط بتاع المقال بتاعك (ص) نوفولو يبقى انت كده بتقول لجوجل إحسبه كـ باك لينك لكن متخشش من الموقع (س) تتصفح مقالي اللي هو (ص) وده فايدته كـ باك لينك فقط بتبقى لصفحة بعينها . لكن الدوفولوا ده تصريح منك إن اي رابط دوفولوا مسموح لجوجل إنه يخش عن طريق الموقع اللي معمول فيه ويأرشف محتوى الرابط ده ومش كده بس ده لو لقى روابط تانية جوه المقال يخشهم لو دوفولوا وهكذا . طيب نستفيد أية من ده ( إن الباك لينك سواء نوفولوا او دوفولوا مفيد ولكن الإفادة الأكبر بتبقى للدوفولوا ) ثانياً ( متعملش اي مصادر خارجية من مقالك دوفولوا عشان انت كده بتقول لروبوت جوجل أخرج من موقعي وروح الموقع ده ). أي استفسار انا موجود
اية هي اسباب عقاب المواقع

اية هي اسباب عقاب المواقع



اول حاجة الناس بتفكر فيها إنهم اتعاقبوا بمجرد مايحسوا أنهم تراجعوا في نتايج البحث وده شئ غلط جداً وعشان تتعاقب لازم يحصل الأتي :

تتراجع من النتيجة رقم 1 لصفحة تانية او ما بعدها . يكون في اجراء يدوي حتي لو فضلت رقم 2 . طيب في حالة إن ده محصلش يبقى ياباشا موقعك كل اللي محتاجه شوية تظبيط وضخ مقالات وتحديث مقالاتك القديمة لأن كده في مواقع غيرك طلعت او موجودة قديمة او جديدة بتقدم افادة افضل منك او موقعك أبطئ او غيرك مهتم بتظبيط الموقع كـ seo أون بيدج وأوف بيدج بطرق شرعية ومضمونة . اول حاجة بتعاقب الموقع او بتخلي ترتيبه يتراجع بشكل ملحوظ وكبير مش مجرد نتيجة او إتنين فقط هو الباك لينك

الباك لينك

وانت بتعمل باك لينك لنفسك لازم تختار موقع قليل اوي لما حد في نفس مجالك يعمل فيه . الباك لينك الإسبام اللي بتعمله ده أول شئ مضر جداً ليك وسبب عقاب . الباك لينك المبالغ فيه الكتير بزيادة ده بيعتبر سبام . الباك لينك في محتوى ملوش علاقة بمحتواك سبام . الباك لينك اللي عبارة عن لينكات اكتر ماهو محتوى بيقدم افادة . إزاي احل أزمة الباك لينك عندي الموضوع بيحتاج صبر وثقة وشغل من نار + تنصل من أي رابط تشك أنه سبام او اتعمل بشكل مبالغ فيه أو مبيقدمش افادة محترمة . إبدء بعد التنصل من الروابط لمدة تلت شهور في ضح محتوى جديد وتحديث مقالاتك القديمة وتقديم افادة محترمة . وبعد التلات شهور شغل متواصل ابدء اعمل باك لينك جيست بوست من مواقع قوية في نفس مجالك ولكن ركز كويس اوي مينفعش تعمل باك لينك لصفحة مبيخشهاش زوار او جديدة ولسة مدخلهاش زوار من جوجل او حتى لسة متأرشفتش ومينفعش بالمرة تبالغ في الامر يعني ع كل 100 زائر للصفحة بشكل يومي تقدر تعمل للصفحة دي إسبوعياً 3 جيست بوست فقط وده افضل.

السبب التاني إعتمادك بشكل مباشر فقط علي زوار السوشيال ميديا .

زوار السوشيال ميديا مهمين ولكن مترددين ومملين مبيحبوش يقروا الحاجة للاخر ومبيحبوش يتصفحوا الموقع وده بإختصار عشان اعلانك ظهرلهم بدون مايتعبوا في إنهم يعملوا سيرش عن الموضوع ده وده بنسبة 70% من زوار السوشيال وبالتالي اليوزر اكسبرينس عندك هيضرب بالنار لو قدرت تعمل موازنة انك تضمن بقاء زوار السوشيال عندك في موقعك فترة اكبر او فترة طويلة يبقى مفيش منها ضرر ولكن لو مقدرتش تضمن ده لازم تعمل موازنة محترمة وتخلي زوارك الأورجانيك هما استهدافك رقم 1 وبدل مابتعمل اعلانات في السوشيال اعملها في إعلانات جوجل وبكده إنت مستفيد بنسبة 100% .

السبب التالت المحتوى المهمل والقديم اللي طلع بعده محتوى قدم افادة اقوى منه

كل ماتحدث محتواك وتزود معدل الإفادة كل ماجوجل يحترمك ولكن اعمل موازنة محترمة مينفعش تخلي المقال عدد كلماته كبيرة وانت بتهري فيه ع الفاضي خلي دايما تحديثك ومقالك من الاول هو بيقدم افادة واضحة وصريحة وبيجاوب علي اي تساؤل بدون لف ودورات .

السبب الرابع عدم ضخ محتوى جديد بشكل يليق مع حجم زوارك

السبب ده بيقتل موقعك وده ليه لأن الزائر لما بيعجبه موقع بيعمل سيرش بإسمه في جوجل ولو المعدل ده مكنش ثابت او في ازدياد انت هتدمر موقعك وبالتالي لازم تضيف دايما مقالات جديدة بتناقش مواضيع جديدة ومختلفة في نفس محتوى موقعك وبالتالي تضمن إن الزائر هيلاقي جديد وهتزود الأعداد دي بسهولة .

السبب الخامس وضع روابط في موقعك لمواقع منافسة

بمعنى اصح انت بتقول لجوجل المواقع دي افضل من موقعي فاطبيعي هتبقى فوقيك .

السبب السادس عدم الإهتمام بأساليب الـ SEO الحديثة اللي تخص الأون بيدج

لازم من حين لأخر تطلع ع التحديثات وتعدل محتوى موقعك وصفحاته بما يتناسب مع افكار جوجل الجديدة ومن ضمنها الإسكيما وسرعة الموقع وخلو الموقع من الأخطاء البرمجية بالكود وطريقة ربط المقالات ببعض وازاي تبقى فيتشر اسنيبت .

السبب السابع السماح بأرشفة صفحات غير مهمة في موقعك زي صفحة الكتاب اللي بتعيد وتزيد في نفس المحتوى ع الفاضي .

اي صفحة غير مهمة اوقف ارشفتها افضلك وخلي جوجل يركز مع المهم فقط .

السبب الثامن إختيار هوست سئ او غير مناسب بحجم موقعك

لازم تفكر في إن الموقع كل مايقع او يهنج او يتقل ده بيقرف منك الزائر يبقى ريحه وهات هوست نضيف .

السبب التاسع عدم تحديث برمجة او تصميم او تمبلت موقعك

مع الوقت في اكواد بتتلغي واكواد برمجية بتسبب مشاكل لازم يبقى تحت ايدك ديفولبر محترم يقدر يحللك مشاكل الكود اللي بتسبب مشاكل سرعة او بلاوي تانية في موقعك انت متعرفهاش.

السبب العاشر استخسارك في موقعك

مدام بتكسب منه حاول تعمله اعلانات في جوجل بشكل دائم ده بيزود ثقة جوجل فيك علي فكره.

السبب الحادى عشر عدم إهتمامك بمحركات البحث الأخرى

لازم تضيف موقعك في محركات البحث الأخرى بإختصار بتديك باك لينك وكذلك بتجبلك زيارات كتيرة ودي مهمة ليك جداً.

السبب الثاني عشر التوقف عن تحليل منافسيك

لازم بشكل شهري تحلل المنافسين وتشوف اية المميز عندهم وبيعملوا أية احسن منك وتطور من موقعك واستراتيجيته ومحتواه.

السبب الثالث عشر عدم الإهتمام بإفادة الزائر

صدقني ممكن اهتمامك بكترة الإعلانات وعدم ترتيب مواضيعها يخنق الزائر ويخليه يخرج الهري الكتير مش هيفيده لازم تقرر وانت بتكتب المقال مش هدفك جوجل هدفك تفيد الزائر بس وهتنجح صدقني . أعتقد انا بكده لخصت أهم الأسباب اللي بتسبب تراجع في النتايج وعقاب موقعك أتمني الكل يكون استفاد بالتوفيق إن شاء الله
إزاي تعمل موقع يحقق ارباح بسهولة

إزاي تعمل موقع يحقق ارباح بسهولة

 إزاي اقدر بسهولة إني اخلى موقعي قوي وبيخشه زيارات وبيحقق ارباح تغطي تكاليفه ع الأقل .

أولاً إنت بتفهم في أية

وانت بتفكر تبدء البزنس بتاعك على النت لازم تبقى عارف إنك مثلا لو بتفهم في الموبايلات كويس متجريش تفتح موقع للأزياء والموضة انت كده بتفتح لنفسك مجال جديد محتاج تدرسه الأول . يبقى أول خطوة عندي إني اشتغل في اللي بفهم فيه . طب لو انا اصلا مبفهمش في حاجة معينة يبقى ياعم الحج معاليك محتاج تعمل تيست على مجال معين عايز تشتغل فيه وخلوني أديكم خلاصة الربح من الاخر عندك 8 مجالات مربحين من جوجل أدسنس والافيليت . 1- الفوركس وتداول العملات . 2- الموبايلات . ( وقبل ماتنزل تحميل أي تطبيق لازم تبقى مقبول في ادسنس الأول وإلا هتترفض ) 3- السيارات . 4- شرح وتحميل البرامج والالعاب ( ولازم الاول تتقبل في ادسنس قبل ماتنزل تحميل لعبة او برنامج ). 5- الاخبار وركز ع اخبار النجوم واسعار الدهب واسعار الحديد والحاجات المتغيرة بشكل يومي وهنا مهمتك بتبقى صعبة لحد ماتخش جوجل نيوز ومن جوجل نيوز للبوكس وساعتها عيش واستمتع لو شغلت دماغك صح هتكسب مبالغ كويسة جداً 6- المحتوى النسائي ( موضة وقصات شعر واكسسورات وتجميل وتخسيس والكلام ده ( هي ضغطته مش قوية بس البحث اكتر بكتير من كل المجالات اللي فوق يعني 1000 زائر في اي محتوى فوق بيساوي تقريبا 10000 زاير نسائي بمعنى اصح هتتعب فوق عشان توصل لالف زائر ونفس تعبك ده هيوصلك في محتوى نسائي لـ 10000 او اكتر وهتقدر تكسب عن طريق ادسنس وكمان الافيليت ) . 7- الطب البديل ( هتتكلم عن فوائد الفواكة والعصائر والخضروات ووصفات لعلاج عن طريق مواد طبيعية وهكذا). 8- محتوى الترندات وهنا انت مركز فقط على انك تضيف المقالات اللي الناس بتبحث عنها لفترة وفي الغالب بيبقى موقع عام زي موضوع كده . وعشان تبدء موقع لازم ع الاقل شهر تدرس فيه المحتوى اللي انت عايزه. طيب ياعم أحمد انا خلاص عرفت أية هو المحتوى اللي هشتغل عليه اية الخطوة اللي بعديها . 1- حجز دومين يكون براند مش شرط يكون فيه كلمة مستهدفة ولكن الشرط يكون براند يعني لو هتشتغل نسائي مثلا يبقى beautytools.com مثلا وهكذا . 2- فكك بقى وارحمنا من الاستضافات الرخيصة ومتشتغلش بلوجر دور ع هوست محترم واشتريه لمدة 6 شهور فقط عشان بعد كده هتبقى مجبر تجيب في بي اس . 3- اشتري تمبلت محترم وبسيط وخفيف ع الموبايل وع الديسك توب . 4- نزل طلب كاتب محتوى واختار افضل 2 بيكتبوا محتوى كويس . 5- شوف حد SEO محترم يعملك الأون بيدج لموقعك صح ودي بتتعمل مرة واحدة بس وتقدر بعد كده تعمل تشك اب علي الموقع كل سنة عشان تطبق الجديد . 6- ادرس المنافسين بتوعك وطبق الشرح اللي هنا إزاي تحلل المنافسين
7- ابدء وطلع كلمات بحث خفيفة وبسيطة ومعدل زياراتها قليل بمعنى اصح اشتغل على اللوونج تيل .
8- اعمل صفحة على اي موقع سوشيال تعرفه ونزل فيها اي مقال جديد تنزله وكذلك الرئيسية . 9- وانت بتشتغل في المحتوى لازم تراجع مقالات كتابة المحتوى اللي انا نزلتها هتلاقيها في البوست المجمع . 10- اكتب محتوى بيستهدف كلمات ضعيفة في الاول عشان تضمن يجيلك زوار من جوجل . 11 - متعملش باك لينك نهائي الا لما تمسك كذا كلمة وموقعك يبقى قوي ولما تعمل أعمل جيست بوست أو ادلة مواقع في البداية ولما تحس ان موقعك بقى موثوق فيه وبدات تنزل المقال تبقى في اول تلت او اربع نتايج علطول تقدر ساعتها تعمل الباك لينك اللي انت عايزه بس ميكونش سبام واعتقد ساعتها مش هتحتاج وارباحك هتخليك مكمل جيست بوست . 12- متستناش نتايج من الموقع الا بعد تلت اربع شهور ع الاقل . 13- إدرس SEO كويس اوي عشان هو ده اللي هيميزك عن غيرك. 14- تابع دايما تحديثات جوجل وشوف اية هي الحاجات الجديدة. 15- شوف منافسينك بس الأجنبيين بيعملوا اية وحلل اللي بيعملوه ولو اقتنعت إنه صح طبقه . 16- لازم تحط ميزانية تكفي شغل الموقع لمدة 9 شهور ع الاقل . 17- متفكرش في الربح في الاول نهائي فكر تبني إسم على السوشيال وفي جوجل . 18- دايما حاول تتقدم على المنافسين ويبقى مقالك شامل وكامل كل نقطة ناقصة عندهم . 19- اعلانات جوجل مهمة ع فكرة بنسبة 5% وقليل اللي بيستخدموها بس متفكرش فيها غير وانت موقعك قوي ومحتواك كله قوي عشان ساعتها هتفيدك غير كده هتضرك جداً . 20- عود نفسك وانت بتعمل جيست بوست انك تاخد من مواقع اعلى منك او في نفس مستواك . 21- وصل موقعك للحظة اللي تخلى كل المواقع وكل الصفحات تكلم عنه . 22- شغلتنا شغلة صبر ياتصبر وتجتهد يابلاها من الاول . 23 - حط نفسك مكان الزائر وشوف هو عايز يشوف اية الاول في مقالك ووريهوله . 24- متعتمدش ع اللي هتتعلمه من كورس او من دروس معينة لازم يبقى ليك طابع خاص وبصمة خاصة بيك . 25 - اوعى تنسى تهتم بالإنترنال لينك من اول يوم شغل في الموقع وهتلاقي مقال ليهم في البوست المثبت . 26- اوعى تحبط نهائي انا قعدت اربع سنين لحد ماعملت موقع ناجح . 27- لو عايز الافضل متفكرش ابداً تهمل موقع تعبت فيه يوم حتى لو اتعاقب حل مشاكله وكمل . بالتوفيق للجميع
إزاي تحلل المنافسين

إزاي تحلل المنافسين



إزاي تحلل المنافسين ليك وتتغلب عليهم بسهولة :
أولاً لازم نعرف 9 حاجات مهمة قبل مانفحص أي موقع وهما : عمر الدومين له إحترامه بالنسبة لجوجل خصوصاً لو موقع مش مهمل ومستمر العمل عليه ومفيهوش اخطاء أه تقدر تتغلب عليه ولكن بصعوبة شوية . عشان تتغلب علي منافس لازم يبقى عندك صبر وطولة بال . وصولك للصفحة الأولى ده مش نجاح نهائي لأن بمجرد ماتبقى صفحة أولى كل خطوة لأعلى هي أصعب من اللي فات كله . طول مانت بتقدم محتوى محترم ومفيد بإستمرار وبتتعب ربنا هيديك ع قد تعبك . إختيار الهوست أهم خطوة في بناء الموقع الخاص بيك . اخرج من دايرة كلمات المنافسين والعب علي كل الكلمات الممكنة وركز علي الأضعف ثم الأقوى بمعدل شهري ثابت . الديزاين وتهيئته لمحركات البحث ده تاني أهم شئ بعد الهوست . محركات البحث التانية زي BING و Yandix بيجيبوا زوار كتير ع فكرة . لازم تصرف علي موقعك وع التولز بتاعتك عشان تقوى نفسك وتبقى مميز . رقم واحد إزاي تعرف كلمات المنافسين ليك معلش انت مش محتاج تعرف أية هي كلمات المنافسين إنت محتاج تعرف الناس بتبحث عن أية وده تقدر تعرفه من trends.google.com وهشرح الموقع ده بشكل كامل الدرس الجاي . وكمان محتاج تعرف أية هي الكلمات اللي بتجيب ترافيك للمنافسين ودي تقدر تستخدم فيها اي بلاجين وطبعاً الاكثر إنتشاراً هي ahrefs رغم إنها ضعيفة في الحتة دي ولكن الكل بيستخدمها فانا هشرح الجزئية دي فيها ببساطة ahrefs هي مش مجانية ولازم تشتريها وفي ناس بتعمل جروبات مع بعض ويشتركوا فيها بحيث يتوزع سعرها علي اكبر عدد ممكن وده شئ كويس . ومبدئياً مفيش بلاجين كويسة مجانية . طبعا هتخش هنا https://ahrefs.com/ وتسجل دخول وبعدين هتحط الموقع اللي عايز تفحصه في المكان اللي ظاهرفي الصورة رقم 1 .
هيتفتحلك شاشة تانية زي اللي في الصورة رقم 2 وهتختار منها Organic keywords
ثم بعد كده لازم السهم يبقى نازل علي كلمة ترافيك زي ماهو ظاهر في الصورة رقم 3 واضرب الترافيك اللي ظاهرلك ده في 5 أقل حاجة لان دايما الترافيك اعلى من اللي بيظهره ahrefs في المحتوى العربي .
وبكده انت عرفت اعلى كلمات ترافيك بالنسبة لكل موقع منافس ليك . نيجي للنقطة التانية ازاي اشوف الباك لينك بتاعه . في الصورة رقم 2 أختار كلمة backlinks وكده جبت كل الباك لينك بتاعه . هتقعد بقى تلفتره وتشوف هو واخد باك لينك منين وأوعى تقلده إلا في حالة الباك لينك الجيست بوست . ده كده شغل التولز اللي انا اصلاً مبحبوش نيجي بقى للشغل بتاع الناس اللي عايزة تعمل حاجة ولنفرض إنك بتستهدف كلمة ( س ) . هتبحث عنها وتشوف كل المواقع صفحة اولى وصفحة تانية بيقدموا أية افادة في مقالاتهم وتعمل كوكتيل جميل من افادتهم وتضيف عليه حاجات جديدة ومعلومات جديدة أو حتى تضيف بساطة في المحتوى اكتر بحيث يبقى محتواك مقبول اكتر من اي حد وتنشر مقالك . متركزش في عدد صور ولا عدد فيديوهات ولا الكلام ده كله الصور بتستخدم عشان تجيب منها زيارات من google img وعشان تفصل عين الزائر عن القراية شوية والفيديو بيستخدم لو كان في شرح إنت مش هتكتبه فابتعوضه بفيديو غير كده ملوش لازمة . ركز أوي في تنسيق المقال وعدم وجود اخطاء إملائية في محتوى الفقرات وكذلك خلى شكل المقال يتحب يتقرى مش مجرد كلام وخلاص . دايما حاول تشوق الزائر يقرا الفقرة اللي جاية عشان تضمن إنه هيقرا مقالك للأخر . وطبعا مش هشرح حتة الكلمات الفرعية لأني شرحتها قبل كده ولكن لازم تستهدف بمقالك الواحد اكتر من 20 كلمة جزء منهم h2 وجزء h3 وجزء فقرة عادية حسب طريقتك بتتعمل ازاي دي مفيش فيها خلاف رغم إن اقواهم الـ h2 . العنوان بتاعك إما يبقى جذاب او بيجاوب ع تساؤل ما . خلصت المحتوى بتاعك وظبطته أوعى تعمله باك لينك نهائي انت كده فحصت المحتوى بتاع كل المنافسين وعملت محتوى اقوى منهم وافضل منهم ومبسط عنهم لا مش كده بس بقى لازم تستهدف اكبر عدد كلمات بيبحث عنها الناس في إطار موضوع مقالك وتجاوب عن اي استفسار ليهم عشان تبقى بتقدم افادة كاملة للزائر مش مجرد عشان تتميز عن غيرك . بعد مباتعمل محتوى كويس لمقال ما بتطبق نظرية الإنترنال لينك اللي شرحتها هنا

طريقة عمل internal link (روابط داخلية) بشكل صحيح 100%


خطوتين مهمين اوي متسيبش موضوع بتتكلم عنه غير لما تخلص كل المقالات اللي ممكن تتكتب فيه وتربطهم ببعض وكلهم يكونوا بيقدموا افادة كاملة وبيستهدفوا كلمات مختلفة عن بعض . ومتعملش باك لينك ليهم نهائي دلوقتي . بعد ماعرفت تعمل مقال محترم ومحترف وجبت كل كلمات البحث المتعلقة من جوجل مش من تولز وركز علي اللي بقوله كويس من جوجل ومش من تولز . كده انت بقيت افضل من المنافس بتاعك كمحتوى . هتفضل مكمل شغل ع كده في كل مقالاتك لحد ماكل مقال يبدء يخشله علي الاقل 20 زائر يومياً مش 20 زيارة . في اللحظة دي لازم تفكر في طرق باك لينك تخليك افضل من المنافس . طيب اية هو افضل طرق الباك لينك مع إحترامي للجميع الجيست بوست هو افضل طرق الباك لينك وده لكذا سبب وهما : محدش هيقدر يديك باك لينك في موقع مبيسمحش ليك تضيف رابط في الكومنتات او تعمل مقال غير اللي معاه صلاحيات يخش علي لوحة تحكم الموقع اللي في الغالب تحت إدارة صاحب الموقع اذا لما يتعملك باك لينك فيه جوجل هيقتنع مليون في الميه إن موقعك مفيد وده خلى الموقع ده يشير ليك في مقال عنده . إنك هتتغلب علي ناس كتير شغالة بس باك لينك منتديات وادلة والشغل الفاضي ده فاهتبقى أنت اقوى منهم وهتتقدم . نرجع هنا للباك لينك اللي فحصته من المنافسين طلع مواقع الجيست بوست اللي عملوا فيها وحطها اول تارجت ليك بمعدل شهري ميزدش عن 6 مواقع . بعد ماتخلصهم ابدء دور علي مواقع تانية . اهم حاجة تصبر ومتستعجلش علي الربح أي حاجة ناجحة لازم يتصرف عليها الاول . ركز بقى معايا في نقطة مهمة وهي الهوست والديزاين . وانت بتشتري تمبلت او ديزاين او اياً كان ركز إنه يبقى سريع جداً ومفيهوش ملفات كتير بتحظر عرض المحتوى وانه يبقى متظبط بنسبة 100% كـ SEO وكـ سرعة . وانت بتاخد هوست بلاش الهوست الرخيص نصيحة ودور ع مكان يكون متجرب وسمعته كويسة مدام بتبني حاجة مهمة والافضل تشتري vps . وانا هنزل اماكن موثوق فيها للهوست والفي بي اس قريب . اوعى تسمع كلام اللي بيقولك لازم تكتب عدد مقالات اكتر منه ولازم تنزل صور وفيديوهات اكتر منه صدقني ده كلام ملوش اي اساس من الصحة . لازم تبقى متطور وتستخدم سكيما في موقعك بشكل مميز وفي اضافات كتيرة للإسكيما في الووردبريس زي schema pro لازم تظبط الكاش وملفات البرمجة عشان ده بيأثر ع سرعة موقعك وفي الووردبريس في عندك wp-rocket وهي افضلهم . خليك دايما متطور ومتابع سياسات جوجل الجديدة وتحديثاته عشان متتاثرش بيها . شوف حد كويس يظبطلك اون بيدج الموقع ويبقى موثوق فيه لو مش هتقدر تظبطه لوحدك لإن ده مش شئ سهل . انا كده خلصت بالتوفيق للجميع

أون بيدج | ONPAGE SEO

أون بيدج | ONPAGE SEO

شرح أون بيدج

 
ONPAGE SEO
مواقع كتيرة براجعها وللأسف بتبقى عندها مشاكل كبيرة في الأون بيدج وبتيجي تسأل تراجعنا ليه او انا ليه مش بلاقي نتيجة وللأسف الجزء الغريب إنهم بيمشوا ورا كلام ناس كتير ويهتموا بالباك لينك وبرضه مبيوصلوش لحاجة وإن وصلوا بيتعاقبوا بسبب انهم بيشتغلوا غلط . الأون بيدج ياجماعة عن طريقه ممكن تمسكوا كلمات وتنافسوا مواقع كبيرة الأون بيدج للموقع والمقالات أهم من الباك لينك وأهم من المحتوى الجيد . متسلموش دماغكم لحد أهتموا بس بالأون بيدج واكتبوا محتوى جيد وأدعولى . وانا مبقولش كلام من فراغ انا بالأون بيدج وبمحتوى ضعيف مسكت كلمات معقولة وبتجيب زيارات كويسة ومن مواقع اقدم مني .. لو معندكش خبرة في الـ SEO ومش هتقدر تعمل أون بيدج بنفسك قبل ماتشتري مقالات إشتري الخدمة دي من حد تكون واثق أنه قدها وإنه بيفهم كويس اوي . واحسبوها بالعقل لو انا عندي برج كبير بدون أساس قوي هيجي الوقت اللي هيتهد بدون أي اسباب ده مش بعيد يقع وانا ببني اصلاً عشان كده دايما لازم تتأكد ان اساس موقعك صح واساس موقعك هنا هو الأون بيدج . بالتوفيق

حل مشكلة متغيّرات التصميم التراكمية (CLS)

حل مشكلة متغيّرات التصميم التراكمية (CLS)



متغيّرات التصميم التراكمية (CLS) أو استقرار المحتوى بعد التحميل

ودي بقى اللي جوجل ركز عليها في أخر تحديث . نشرح بسرعة أية دي بعد دراسة وفحص أكتشفت إن دي الموارد اللي بتحمل في صفحتك بعد عرض المحتوى . وده معناه إن مثلا لو المحتوى بتاع الصفحة كله بيحمل ثم بعد كده الصور أو الاعلانات او الفيديوهات بتحمل في الصفحة بعد ظهور المحتوى أو اي حاجة بتحمل في الصفحة بعد ظهور المحتوى فابكده إنت بتزود معدل الـ cls . ولما نيجي نبص هنلاقي إن أي بلاجين كاش بتزود سرعة الموقع بضغط ملفات البرمجة وبتظبيط الكاش وضغط الصور والكلام ده كله لما تيجي تستحدمها معدل الـ cls بيزيد وده بسبب إنها بتحل مشكلة الـ استبعاد موارد حظر العرض . وده معناه أية ياشباب إن للأسف بعد ماجوجل كانت مركزة إن السرعة تبقى الاساس بقت بتركز علي حاجة تانية جمبها وهي إن كل موارد الصفحة تحمل قبل عرض المحتوى بحيث إن الشاشة تظهر كلها مرة واحدة بدون مايظهر المحتوى ثم تظهر شوية موارد تانية وهدي علي ده مثال في الفيديو اللي موجود هنا .

طب نحل المشكلة دي لازم تتأكد إن مفيش اي موارد بتأثر علي عرض الصفحة أو علي شكل الصفحة بتحمل بعد مالمحتوى كله بيتحمل . بمعنى اصح جوجل عايز بمجرد مالصفحة تتحمل تكون مستقرة مبيظهرش فيها حاجة فجأه زي اعلان او صورة او فيديو او حتى لينك او غيره . طب ودي تتحل ازاي للأسف لحد دلوقتي بدور في حلها وملقتش غير إن البلاجين بتاعة الكاش زي wp-rocket و w3 total cache مينفعش نفعل فيها كل الأوامر لازم التمبلت اللي تختاره تبقى متأكد مليون في الميه إن موارده كلها بتتحمل قبل مالمحتوى يتعرض وده مبيأثرش ع سرعة تحميل الموقع . معادلة صعبة وأعتقد إن دي هتبقى بداية نهاية الووردبريس وجوملا وأي cms مجانية وهيبقى الافضل البرمجة الخاصة. واسف لتأخيري في شرح السرعة وده بسبب ظروف خارج عن ارادتي وكذلك عشان الم تحديث جوجل الأخير .

إستهداف الكلمات المفتاحية بطريقة صحيحة 100%

إستهداف الكلمات المفتاحية بطريقة صحيحة 100%

في مدرستين في الموضوع ده مثال : طريقة عمل كحك العيد دي الكلمة الرئيسية المستهدفة اللي لازم تبقى موجودة في عنوان المقال أول مدرسة هتدور علي الكلمات المفتاحية اللونج تيل وهي مثلاً طريقة عمل (كحك العيد فاطمة ابو حاتي) طريقة عمل كحك العيد بالخميرة طريقة عمل الكحك بسكر طريقة عمل (كحك العيد للشيف حسن) وهكذا وهتحطهم كـ h2 جوه المقال وتاني مدرسة هتعمل لكل كلمة مفتاحية لونج تيل مقال . يعني هتعمل مقال بإسم طريقة عمل كحك العيد بالخميرة ومقال تاني بإسم طريقةعمل الكحك بالسكر وهكذا امتي بقى أمشي بالطريقة التانية وأمتي امشي بالطريقة الأولى في حالة إن الكلمات اللونج تيل أو الكلمات الفرعية هي أصلا كلمات معدل البحث عليها مش كبير مقارنةً بالكلمة الرئيسية يبقى همشي بالطريقة الأولى . مثال الكلمة الرئيسية طريقة عمل كعك العيد الناعم الكلمات الفرعية ليها هي : طريقة عمل كعك العيد الناعم سالي فؤاد طريقة عمل كعك العيد الناعم مثل الجاهز طريقة عمل كعك العيد الناعم للشيف حسن طريقة عمل كعك العيد الناعم بالسمن المقدوح دي كلمات ضعيفة ومعدل البحث عليها بالنسبة للكلمة الرئيسية لا يتعدى لكل كلمة 10% . إذاً في اللحظة دي أقدر أطبق النظرية الأولى وهي إني أخلى كل طريقة أو كل كلمة فرعية h2 في المقال بتاعي وبكده ابقى لميت كل طرق عمل كعك العيد الناعم في مقال واحد . وده هيخلي الزائر يقعد أكتر وقت في المقال وفي نفس الوقت لو حد بحث عن أي كلمة فرعية حطيناها h2 هتظهرله في البحث طيب أية هي بقى العوامل اللي هتخلي جوجل يدي أهمية كبيرة للكلمات الفرعية اللي حطيناها h2 : كرر الكلمة في موضعها علي الأقل مرتين غير المرة اللي في الـ h2 او الترويسة رقم 2 ضيف صورة او إتنين عليهم alt بالكلمة الفرعية . إكتب محتوى محترم ومفيد وملخص وأدعمه بشرح واضح ولو قدرت تدعمه بـ فيديو يكون كويس ولكن إحذر لازم تبقى مظبط السرعة كويس جداً لإن حجم اي فيديو 500 كيلو بايت وده بيتقل الصفحة ، وفي بلاجين بتخلي الفيديو ميحملش غير لما تدوس عليه وكذلك اكواد لبلوجر وأي برمجة خاصة . خليك دايما مكان الزائر وبص ع شكل المقال وتنسيقه والوانه وشوف انت لو قريته كده هتبقى مبسوط ومرتاح وعايز تكمل ولا عايز تخرج من اول جملة . نيجي بقى للطريقة التانية . وهي إن كل كلمة عندي عليها معدل بحث أزيد من 30% من الكلمة الرئيسية . مثال : طريقة عمل البيتزا الكلمة الرئيسية وكلماتها الفرعية هي : طريقة عمل البيتزا باللحمة طريقة عمل البيتزا بالجمبري طريقة عمل البيتزا بالخضار طريقة عمل البيتزا بالمشروم لما تيجي تبص جوه كل كلمة فرعية هتلاقي ليها هي كمان كلمات فرعية وهتلاقي إن عليها معدل بحث قوي . في اللحظة دي يبقى الأفضل تفصل كل كلمة بمقال وتنوع طرق العمل جوه كل مقال . وتقوم جاي في مقال واحد حاطط طريقة لكل نوع بيتزا وتعمل إنترنال لينك لكل طرق العمل اللي كتبتها في مقال منفصل وتبقى الكلمة الرئيسية المستهدفة هي طريقة عمل البيتزا وبكده إنت طبقت النظريتين الأولى والتانية ولكن بصياعة . نصيحة اخيرة



إهتم دايما بجودة المحتوى وإنه يبقى شامل وبيقدم إفادة كاملة ومتهريش كتير وتلف وتدور خليك صريح وكلامك واضح وبدون الغاز ومتبصش لعدد كلمات ولا لعدد صور ولا لعدد فيديوهات . بالتوفيق للجميع

طريقة عمل internal link (روابط داخلية) بشكل صحيح 100%

طريقة عمل internal link (روابط داخلية) بشكل صحيح 100%



طريقة عمل إنترنال لينك (روابط داخلية) بشكل صحيح 100%.

أولاً اية هو الإنترنال لينك أو الروابط الداخلية :

هي صفحات موقعك او مقالات موقعك المترابطة ببعض بمعني . عملت مقال عن تحميل برنامج سناب تيوب وعملت مقال عن تحميل برنامج تيوب ميت وعملت مقال عن برنامج تحميل فيديوهات وربطت التلاتة ببعض إنت كده عملت إنترنال لينك مابين التلاتة بس أية هي الطريقة الصح إللي اقدر أستخدمها عشان اقول إني رابط مقالاتي ببعض بشكل محترم وقوي وكـ خريطة . فرضنا إنك عندك 10 مقالات عايز تربطهم ببعض . اولاً لازم المقالات دي كلها تكون بتخدم نفس الموضوع ولكن بمحتوى مختلف مثال : طريقة عمل البيتزا بالمشروم طريقة عمل البيتزا بالجمبري طريقة عمل البيتزا بالسجق طريقة عمل البيتزا باللحمة طريقة عمل البيتزا بالخضار طريقة عمل البيتزا الشرقي طريقة عمل البيتزا الايطالي طريقة عمل البيتزا بالفراخ طريقة عمل البيتزا بالجبن طريقة عمل البيتزا بالكفتة هتعمل اية بقى . في مدرستين في القصة دي أول مدرسة اساسها هو إنك تربط كل المقالات ببعض ودي طريقة كويسة بس لو انا عندي عدد كبير من المقالات متشابه وعايز اربطه ببعض كده هخلي الصفحة بتاعتي كلها روابط وعشان نبقى ماشيين بشكل كويس لكل 250 كلمة ضيف رابط عشان متزودش الـ http request واية هي بقى الـ HTTP REQUEST هي عدد الروابط اللي موجودة في صفحتك مش بس الانترنال لينك اي رابط دو فولو موجود عندك او نوفولو موجود عندك وتعالي نشرح بشكل بسيط ازاي دي بتاثر علي أرشفة المقال بتاعي وسرعة ارشفته روبوت جوجل بيخش الموقع يارشفه بس بمجرد مابيلاقي رابط دوفولو بيخش الرابط ويارشفه هو كمان والدايرة دي بتفضل شغالة لحد مايرجع لموقعك تاني ويقراه كله ويبدء يطلعه في كل المقالات طبعا سرعة روبوت جوجل كبيرة فايقدر أنه يعمل ده بسهولة في خلال يوم طيب لو انت موقعك قديم اصلا وجوجل بيأرشف مقالاتك بشكل لحظي ده معناه ان في اكتر من روبوت بيخشوا مقالك مش روبوت واحد زي المواقع الجديدة اذاً الحل هنا اية حاول ع قد ماتقدر تعمل دايرة مغلقة عشان جوجل يبدء بمقال ويرجع لنفس المقال تاني وبكده انت بتجبره يارشف مقالك اسرع بدل مايفضل يتوه في الموقع وده بيحصل ازاي لو عندي 10 مقالات عايز اربطهم ببعض كل مقال عدد كلماته اقل من 750 كلمة مثلاً يبقى كده انا في كل مقال هحط رابطين بس لمقالات متشابهة وهنبه تاني كل 250 كلمة تقدر تضيف رابط جديد يعني لو عندك مقال 1000 كلمة تقدر تضيف فيه 4 روابط لمقالات قد تهمك او مشابهة بغض النظر عن مقالات قد تهمك او مقالات مشابهة اللي بتبقى موجودة اصلا بشكل افتراضي في اي تمبلت انا بتكلم جوه المقال نفسه . هنرجع للمثال اللي فوق لو فرضنا إن كل مقال فيهم عدد كلماته 500 كلمة هنعمل اية عشان نقفل الدايرة هنربط مقال رقم 1 بـ 2.3 ومقال رقم 2 بـ 4.5 ومقال رقم 3 بـ 6.7 ومقال رقم 4 بـ 8.9 ومقال رقم 5 بـ 10.1 ومقال رقم 6 بـ 2.3 ومقال رقم 7 بـ 4.5 ومقال رقم 8 بـ 6.7 ومقال رقم 9 بـ 8.10 ومقال رقم عشرة بـ 1 ثم بمقال تاني ولنفرض إن ده هيبقى مقال طريقة عمل البيتزا اللي قولنا هيبقى كفهرس مذكور فيه كل الأنواع مع اقرأ المزيد لكل نوع

وبكده إنت ربطت كل مقالات البيتزا ببعض ولكن نيجي لأهم نقطة مقال الفهرس بيتعمل ازاي كل طريقة عندك عملتلها مقال بتضيفها فيه كـ h2 وفي اخر الفقرة تقوم كاتب لمعرفة طرق عمل البيتزا بالـ ( اي نوع كتبته ) اقرأ المزيد من هنا وتضيف الرابط كأنكور تيكست او كرابط براحتك ولكن بشرط كل فقرة عندي متقلش عن 250 كلمة عشان اقدر اضيف رابط وميأثرش . وبكده إنت ربطت قسم طريقة عمل البيتزا ببعض بشكل جميل وسهل وبسيط وروبوت جوجل هيلف في دايرة مغلقة وبكده هيرجع لمقالك الأولاني بشكل سريع وهيأرشفه بشكل سريع ومش كده بس اي مقالك فيهم هيمسك كلمة او هيطلع في نتائج اولى هيقوى باقي المقالات وهيخليها مع الوقت تطلع في حالة كان محتواها جيد وقوي وبيقدم إفادة كاملة ونصيحة مهمة اوعى تحط باك لينك خارجي لأي موقع تاني دوفو هو يبقى نوفو عشان متخليش روبوت جوجل يخرج من موقعك قبل مايأرشف كل مقالاتك . طيب فرضنا بقى إنك عايز تربط طريقة عمل البيتزا بأكلات تانية . هتيجي ع المقال رقم 1 اللي الدايرة بتقفل عنده وتقوم رابطه هو كمان بمقال مثلا طريقة عمل الجمبري طب فرضنا إنك عايز تربطه بالجمبري والكبدة في الحالة دي بعد ماتربطه بالجمبري اربط الجمبري بكل مقالاته ثم اربطه بالكبدة وبكده برضه انت ربطت مقال رقم واحد بتاع البيتزا بالكبدة وبالجمبري بالتوفيق وأي سؤال انا تحت أمركم .

الشرح دا إعداد مستر أحمد حبيب
 

الأشعارات

مساحة إعلانية

الأشعارات
هذا مجرد مثال ، يمكنك ملؤه لاحقًا بملاحظتك الخاصة.
حسناً
حقوق النشر © 2000 - حسن عصام جميع الحقوق محفوظة
مينت ويب مينت ويب